«Ինձ համար կարևոր է խաղալ Ցեղասպանության 101-րդ տարելիցի օրը». Յուրա Մովսիսյան
«Սպարտակի» հարձակվող Յուրա Մովսիսյանը, ով վարձավճարով հանդես է գալիս «Ռեալ Սոլթ-Լեյքում», կիսվել է MLS-ի առաջնությունում «Լոս Անջելես Գելեքսիի» դեմ կայանալիք խաղի սպասումներով:
«Անխոս, դա հատուկ երեկո կլինի: Չգիտեմ, շատե՞րն են արդյոք տեղյակ, որ ապրիլի 24-ին կլրանա Հայոց ցեղասպանության 101-րդ տարին: Դա հատուկ օր է ամբողջ աշխարհի հայերի համար, և ինձ համար կարևոր է խաղալ այդ օրը: Վաղուց էի ցանկանում վերադառնալ և խաղալ Լոս Անջելեսում, վստահ եմ, որ շատ հայեր ներկա կգտնվեն այդ հանդիպմանը»,- Մովսիսյանի խոսքերն է մեջբերում MLS-ի պաշտոնական կայքը:
Պատրաստեց Անի Գաբուզյանը
