«Բաքվում թեյ ենք խմելու, իսկ Ալիևն էլ թեյ է մատուցելու». Արցախում խուճապ չկա. aravot.am
«Գնում ենք թուրքերի հերն անիծենք, մեզ ինչ կա, կորցնելու բան չունենք, թո՛ղ իրենք մտածեն». aravot.am-ի փոխանցմամբ՝ Լեռնային Ղարաբաղի մայրաքաղաք Ստեփանակերտում մի խումբ կամավորներ հավաքվել են Ազատամարտիկների միության դիմաց: Նրանք ցանկանում են գրանցվել՝ անհրաժեշտության դեպքում այցելելու համար առաջին գիծ: Կամավորների շարքում ինչպես մեծահասակներն են, այդպես էլ երիտասարդները, նրանց աջակցում են նաեւ երեխաները:
Կամավոր Ալբերտ Սիմոնյանը լրագրողներին ասաց, որ եթե իրենց թողած լինեին, արդեն Բաքու հասած կլինեին. «Դիրքերում մեր երեխեքն են, եւ մենք մեր երեխաներին թիկունք պիտի կանգնենք: Հնարավոր է, որ նրանք արահետները այնպես չեն ճանաչում, ոնց որ մենք: Հայրենիքից քաղցր բան չկա: Այս հողը մերն է եւ կա, իսկ թուրքը թպրտա, նա թուրք էլ կմնա: Թուրքը էդքան պլոճիկ չունի, որ մեր սահմանները անցնի: Մի օր գալու է, որ Բաքվում թեյ ենք խմելու, իսկ Ալիեւն է թեյ մատուցելու»: Նա հավելեց, որ «թուրքն իր պոզերը տնկել է», ամեն տարի երկու անգամ «տնկում է»՝ «Պետք է գնանք պոզերը ջարդենք». «Մեզ ոչ ոք չի կանչել, մեր հոգու կանչն է: Մեր երիտասարդները մեր էստաֆետան վերցրած, ինչպես մենք ենք մեր պապերից վերցրել, իրենք էլ մեզնից են վերցրել ու այդպես էլ շարունակում են»:
Ամբողջությամբ՝ սկզբնաղբյուր կայքում:
