Դավութօղլուի ավտոշարասյան ճանապարհին պայթյուն է որոտացել
Թուրքիայի Մարդին քաղաքում պայթյուն է որոտացել: Դեպքը տեղի է ունեցել այս գիշեր Հանրապետության հրապարակում, հայտնում է Sabah-ը: Տուժել է 1 մարդ, որը հոսպիտալացվել է:
Նախնական տվյալներով՝ դա եղել է ինքնաշեն պայթուցիկ սարք:
Պայթյունը որոտացել է Թուրքիայի վարչապետ Ահմեդ Դավութօղլուի՝ Մարդին կատարելիք այցի նախօրեին: Պարբերականի տեղեկություններով՝ պայթյունը որոտացել է այն վայրում, որտեղով, պլանի համաձայն, պետք է անցներ Դավութօղլուի ավտոշարասյունը: Դրա հետ կապված՝ ստուգումներ են անցկացվում շրջանում այլ պայթուցիկ նյութեր հայտնաբերելու ակնկալիքով:
Կապված Դավութօղլուի այցի հետ՝ քաղաքում ուժեղացվել են անվտանգության միջոցառումները:
