4 ամսում Սիրիայում սպանվել է Ռուսաստանի 109 զինծառայող. Anadolu
2015թ. սեպտեմբերի 30-ից մինչ օրս Սիրիայում սպանվել է 109 ռուս զինծառայող: Այս մասին հայտնում է թուրքական Anadolu գործակալությունը: Տեղեկությունը, ըստ գործակալության, հայտնել են Սիրիայի նախագահ Բաշար Ասադի մերձավոր շրջապատից:
Նշվում է, որ ռուս զինծառայողների մահվան փաստը, որոնք ուղևորվել էին Սիրիա Ասադին աջակցելու, պահվում են թաքուն՝ որպես պետական գաղտնիք:
Նշվում է, որ չնայած Ռուսաստանը Ասադին օգնում է բոլոր ոլորտներում, վերջինս այդքան չի ավելացել իր վերահսկողության տակ գտնվող տարածքները:
