ՖԻԴԵ-ի վարկանիշում Արոնյանը բարձրացել է մեկ աստիճանով
ՖԻԴԵ-ն հրապարակել է դեկտեմբերի վարկանիշային աղյուսակը, որտեղ Լևոն Արոնյանը զբաղեցնում է 6-րդ տեղը։ Արոնյանը բարելավել է արդյունքը՝բարձրանալով մեկ աստիճան:
Աղյուսակը գլխավորում է աշխարհի չեմպիոն, նորվեգացի Մագնուս Կարլսենը՝ 2834 միավորով: Նրան հաջորդում է բուլղարացի Վեսելին Տոպալովը՝ 2803 միավոր։
Հայ շախմատիստ Գաբրիել Սարգսյանը բարելավել է իր դիրքը 9 աստիճանով և զբաղեցնում է 43-րդ տեղը։ Սերգեյ Մովսեսյանը նահանջել է 12 հորիզոնականով. նա 88-րդ-ն է: Լավագույն հարյուրյակի 95-րդ հորիզոնականում հայտնվել է Հրանտ Մելքումյանը:
Սիրարփի Աղաբաբյան
