8 ֆուտբոլիստ այլևս չի խաղա «Բանանցում»
Երևանի «Բանանցի» պաշտոնական կայքը տեղեկացնում է, որ 2015-2016թթ. մրցաշրջանի աշնանային հատվածի ավարտից հետո «Բանանցի» ութ ֆուտբոլիստ կհեռանա ակումբից:
Բոյան Միխայլովիչի, Սարգիս Բալոյանի, Վարդան Մովսիսյանի, Կարեն Հարությունյանի, Արամ Շախնազարյանի և Արմեն Մանուչարյանի հետ պայմանագրերը խզվել են փոխադարձ համաձայնությամբ:
Իսկ Ջերեմիա Ջոնի և Անդրանիկ Քոչարյանի պայմանագրերի ժամկետներն ավարտվել են: Այս ֆուտբոլիստների հետ նոր պայմանագրեր չեն կնքվի:
«Բանանցում» չի շարունակի աշխատել նաև «Բանանց-2»-ի իսպանացի մարզիչ Կրիստիան Բեգերը, ում հետ պայմանագիրը նույնպես խզվել է փոխադարձ համաձայնությամբ:
Սիրարփի Աղաբաբյան
