Մայրը դուրս է նետել իր երեխային Հարավային Սուդանում կործանվող ինքնաթիռից ու փրկել վերջինիս կյանքը
Ինչպես արդեն տեղեկացրել էինք, Հարավային Սուդանում երեկ կործանված «Ան-12» բեռնատար ինքնաթիռի ուղևորներից մեկը (երեխա) փրկվել էր: Դրան նպաստել է երեխայի մոր հուսահատ քայլը, ով երեխային նետել է պատուհանից, երբ ինքնաթիռը սկսել է կտրուկ նվազեցնել արագությունը, գրում է segodnya.ua-ն:
Ինքնաթիռը շահագործվել է 1977 թվականից: Այդպիսով, այն իր առաջին թռիչքն իրականացրել է ավելի քան 45 տարի առաջ:
Ինչպես գրում են տեղի ԶԼՄ-ները, ինքնաթիռը կարող էր կործանվել գերբեռնվածության կամ տեխնիկական անսարքության պատճառով: Նման եզրակացության են եկել Հարավային Սուդանի քաղավիացիայի վարչության փորձագետները:
Ավելի վաղ Հարավային Սուդանի իշխանությունները պաշտոնապես հայտնել էին ավիաաղետի զոհերի թիվը, ինչպես նաև նրանց ազգային պատկանելությունը:
Հայտնի է, որ ինքնաթիռում գտնվել են Հայաստանի 5 քաղաքացիներ, 1 ռուս: ՀՀ ԱԳՆ-ն հրապարակել է Հարավային Սուդանում վթարի ենթարկված բեռնատար ինքնաթիռի անձնակազմի հայ անդամների անունները:
Ըստ նախնական տեղեկությունների՝ Հարավային Սուդանում վթարի ենթարկված բեռնատար ինքնաթիռի անձնակազմի անդամներ են.
Հրամանատար՝ Գեւորգ Թովմասյան
Երկրորդ օդաչու՝ Սամվել Համբարձումյան
Բորտ-ինժեներ՝ Սամվել Մկրտչյան
Ավիատեխնիկ՝ Արմեն Անտոնյան
Ավիատեխնիկ՝ Սուրեն Պետրոսյան
2014-ից AN12 օդանավը հանվել է Հայաստանի գրանցումից: Ինքնաթիռը ատկանել է Asia Airways տաջիկական ընկերությանը:
