Թուրքիայի օդանավակայաններից մեկը զինված հարձակման է ենթարկվել
Թուրքիայի հարավարևելյան Հաքքարի նահանգի օդանավակայաններից մեկը զինված հարձակման է ենթարկվել, այսօր հայտնել է թուրքական Milliyet թերթը:
Նախնական տվյալների համաձայն՝ հարձակումն իրականացվել է «Քրդստանի աշխատավորական» (PKK) կուսակցության անդամների կողմից:
Տեղեկության համաձայն՝ օդանավակայանի շենքն ուժեղ վնասվել է: Դեպքի հետևանքով տուժածներ չկան:
Հաքքարիի օդանավակայանը շահագործման է հանձնվել այս տարվա մայիսի 26-ին:
Թուրքիայում շահագործվում է 69 օդանավակայան, որոնցից 21-ը միջազգային են, 31-ը՝ ներքին ավիաչվերթեր իրականացնելու համար, 17-ը՝ ռազմական նշանակության: