Վթար Արշակունյաց պողոտայում. կա տուժած
Հոկտեմբերի 15-ին, ժամը 21.01-ին տեղեկատվություն է ստացվել, որ Երևանի Արշակունյաց պողոտայում գտնվող «Գրանդ Սպորտ» մարզասրահի մոտակայքում տեղի է ունեցել ՃՏՊ, կա տուժած. անհրաժեշտ է փրկարարների օգնությունը:
Դեպքի վայր է մեկնել մեկ մարտական հաշվարկ:
Պարզվել է, որ դեռևս չբացահայտված հանգամանքներում, Արշակունյաց պողոտայի թիվ 61 հասցեի մոտակայքում BMW մակնիշի 34 QM 737 պետհամարանիշի ավտոմեքենան (վարորդ՝1990 թ. ծնված Դ. Ի.) դուրս է եկել ճանապարհի երթևեկելի հատվածից և բախվել արգելապատնեշին:
Հրշեջ-փրկարարները Դ.Ի.-ին դուրս են բերել ավտոմեքենայից, ով հոսպիտալացվել է «Էրեբունի» ԲԿ:
Բժիշկները տուժածի առողջական վիճակը գնահատել է բավարար:
