Ադրբեջանում դարձյալ լրագրողի են ձերբակալել
Այսօր առավոտյան Սումգայթիում ադրբեջանցի իրավապահները ձերբակալել են Meydan TV-ի լրագրող Այթեն Ֆարհադովային (Ալեքպերովա), հայտնում է haqqin.az-ը: Այս մասին գործակալությանը հայտնել էր լրագրողներից մեկը:
Լրագրողին ձերբակալել էին այն ժամանակ, երբ նա ուղևորվում էր ստանալու իր անձնագիրը ASAN ծառայությունից: Աղջկան տեղափոխել էին Սումգայիթի ոստիկանություն:
Պատճառները, որի համար լրագրողին ձերբակալել են, հայտնի չեն:
Ավելի ուշ հայտնի է դարձել, որ նրանից քաղաքից չհեռանալու մասին ստորագրություն են վերցրել ու ազատ արձակել:
