Շվեդիայում մեկնարկել է «Նոբելյանական շաբաթը»
Շվեդիայում մեկնարկել է «Նոբելյանական շաբաթը», որի շրջանակում այսօր մայրաքաղաք Ստոկհոլմում կհայտարարվի առաջին մրցանակի հաղթողների անունները ֆիզիոլոգիայի ու բժշկության ոլորտում:
Ինչպես տեղեկացրել է Նոբելյան մրցանակաբաշխության պաշտոնական կայքը, հաղթողի կամ հողթողների անունները հայտնի կդառնան ցերեկը:
Հոկտեմբերի 6-ին հայտնի կդառնա, թե ով է ֆիզիկայի ոլորտում հաղթողը, հոկտեմբերի 7-ին՝ քիմիայի, հոկտեմբերի 8-ին՝ գրականության ոլորտում Նոբելյան մրցանակի դափնեկրի անունը, իսկ հաջորդ օրը կհայտարարվի խաղաղության ոլորտում նոբելյան մրցանանակրի անունը:
Էկոնոմիկայի ոլորտում Նոբելյան մրցանակի դափնեկրի անունը կհայտարարվի հոկտեմբերի 12-ին:
