Կենցաղային քիմիայի փոխարեն եթերային յուղերի օգտագործման 12 միջոց

Եթերային յուղերը հաճախ օգտագործում են տարբեր հիվանդությունների հաղթահարման համար: Դրանք կարելի է օգտագործել նաև կենցաղում` վտանգավոր քիմիական նյութերի փոխարեն:
AdMe.ru կայքը ներկայացրել է, թե ինչպես կարելի է եթերային յուղերն օգտագործել տան մաքրության ժամանակ:

1. Փոշեկուլի համար

Փոշեկուլից փոշու հոտը վերացնելու համար անհրաժեշտ է մի քանի կաթիլ իլանգ-իլանգի յուղ կաթեցնել մի փոքր բամբակի վրա և ներս քաշել այն փոշեկուլով:

2. Սառնարանի համար

Սառնարանում դրված շորի մի փոքր կտորը` ցողված նարդոսի և մանդարինի մի քանի կաթիլով շատ լավ անցկացնում է տհաճ հոտերը: Ժամանակ առ ժամանակ պետք է թարմացնել:

3. Աղբի դույլի համար

Մեկական կաթիլ նարնջի և թեյածառի յուղ կաթեցրեք բամբակի վրա և դրեք նախօրոք լվացած աղբի դույլի մեջ:

4. Միկրոալիքային վառարանի համար

Անհրաժեշտ է մեկ բաժակ ջրի մեջ 4-5 կաթիլ կիտրոնի յուղ կաթեցնել և 3-4 րոպե տեղավորել վառարանում` ամենաբարձր ջերմաստիճանի պայմաններում:

5. Զուգարանի համար

Զուգարանում տեղադրեք 2 փոքր արոմաքար` վրան կաթեցնելով սանդալի կամ որևէ փշատերև բույսի յուղ: Եթե դա կատարեք ամեն շաբաթ, ապա զուգարանում միշտ թարմ օդ կլինի:

6. Սպիտակեղենի համար

Տարայի մեջ խառնեք կես լիտր ջուր, 1 բաժակ 9 տոկոսանոց քացախի և 250 գրամ կերակրի սոդայի հետ: Պատրաստված խառնուրդի մեջ ավելացրեք հինգական կաթիլ խորդենու և նարդոսի յուղ, այնուհետև լավ խառնեք: Պատրաստված նյութը լցրեք պլաստիկե շշի մեջ և բերանը պինդ փակեք:

7. Կոշիկների համար

2-3 գդալ սոդան խառնեք երկուական կաթիլ թեյածառի, անանուխի, հազրեվարդի (розмарин) և նարդոսի յուղի հետ: Խառնուրդը քսեք

գուլպաներին և դրեք կոշիկների մեջ ամբողջ գիշեր: Այդ հաճելի և նուրբ հոտը կպահպանվի ամբողջ օրվա ընթացքում:

8. Կահույքի և նստվածքը վերացնելու համար

1 լիտր քացախի մեջ ավելացրեք 10-12-ական կաթիլ եղեսպակի (шалфей), թեյածառի և կիտրոնի յուղ: Լավ խառնեք: Այս միջոցը մաքրելու շատ լավ հատկություն ունի: Այս հեղուկը կարելի է նաև լցնել թեյնիկի մեջ և մի քանի րոպե եռացնել` նստվածքը վերացնելու համար:

9. Սենյակի օդը թարմացնելու միջոց

Ջրով լցված փոշեցրիվով շշի մեջ ավելացրեք մի քանի կաթիլ որևէ տեսակի յուղ և ցողեք սենյակը:

10. Պատուհանների համար

Փոշեցրիվով շշի մեջ լցրեք 1 բաժակ 9 տոկոսանոց քացախ և 1 բաժակ ջուր: Դրանից հետո ավելացրեք 11-13 կաթիլ կիտրոնի յուղ և լավ թափահարեք: Ցողեք դրանով ապակիները և մաքրեք չոր շորով:

11. Բծերի հեռացում

Միվենու (эвкалипт) յուղը շատ լավ հեռացնում է զգեստի վրայի յուղային բժերը:

12. Պայքար ցեցի դեմ

Խառնեք մեկական թեյի գդալ հազրեվարդի, կիտրոնի, նարդոսի և մեխակի յուղերը և ստացված խառնուրդով շփեք դատարկ պահարանները:

Պատրաստեց Անի Գաբուզյանը