Աշոտ Ալիխանյանը՝ Տարվա լավագույն տնօրեն
Ավարտվեց Երևանի Անանիա Շիրակացու անվան ճեմարանի 25-րդ հոբելյանական ուսումնական տարին, որը տարիներ շարունակ ճանաչվում է որպես հանրապետության լավագույն կրթական հաստատություններից մեկը:
Ճեմարանը մշտապես հայտնի է եղել ձեռքբերումներով և հաղթանակներով: Ինչպես հայտնի է՝ ուսումնական տարվա ընթացքում ճեմարանի միջին և ավագ դպրոցները նույնպես հավատարմագրվեցին Միջազգային բակալավրիատի գրասենյակի կողմից, և ճեմարանը դարձավ Միջազգային բակալավրիատի ամբողջական կրթահամալիր՝ միակը Հայաստանում: Ի դեպ, այս տարի ապրիլին ԱՊՀ երկրների Միջազգային բակալավրիատի ասոցիացիայի դպրոցների կողմից ճեմարանի տնօրեն Աշոտ Ալիխանյանը ճանաչվել է տարվա լավագույն տնօրեն, կամ, ինչպես ինքն է նշում՝ Լավագույն Կրթօջախի տնօրենը:
Տեսանյութում ներկայացնում ենք Ուլյանովսկ քաղաքում կայացած ԱՊՀ երկրների 9-րդ համաժողովի պլենար նիստում Աշոտ Ալիխանյանի ունեցած ելույթը:
