Պեդրո. «Ես չեմ խոսել Մոուրինյոյի հետ: Դա անարգանք կլիներ «Բարսելոնայի» համար»
Sportsmole-ը փոխանցում է «Բարսելոնայի» հարձակվող Պեդրոյի խոսքերը, ով հերքել է այն շշուկները, որի համաձայն՝ նա «Չելսիի» գլխավոր մարզիչ Ժոզե Մոուրինյոյի հետ քննարկել է լոնդոնյան ակումբ տեղափոխությունը:
«Ես չեմ խոսել Մոուրինյոյի հետ: Դա անարգանք կլիներ «Բարսելոնայի» համար: Ինչ-որ առաջարկներ ինձ մոտ իսկապես կան: Սա հեշտ իրավիճակ չէ: Ցանկանում եմ ավելի շատ խաղալ, բայց իրավիճակն ավելի ու ավելի բարդանում է»,- ասել է Պեդրոն:
Պեդրոն կասկածանքով է խոսել ակումբում իր կարիերայի մասին: Նա նշել է, որ կատալոնական ակումբում խաղալն իր երազանքն է եղել, սակայն ֆուտբոլիստը պետք է ունենա ամբիցիաներ և ավելի շատ խաղա:
Սիրարփի Աղաբաբյան
