Թբիլիսիի կենդանաբանական այգին հրաժարվել է Մոսկվայի օգնությունից
Ջրհեղեղից ավերված Թբիլիսիի կենդանաբանական այգին հրաժարվել է կենդանիներին մերձմոսկովյան ապաստարանում տեղակայելու Մոսկվայի իր գործընկերների առաջարկից, այսօր տեղեկացրել է Մոսկվայի կենդանաբանական այգու արտաքին կապերի ծառայության ղեկավար Օլգա Վայնշտոկը:
«Մենք խոսել ենք Թբիլիսիի կենդանաբանական այգու տնօրենի հետ: Նրանք մեզ ասել են, որ իրենց դեռ այս պահին օգնություն հարկավոր չէ:Նրանք շնորհակալություն են հայտնել մեզ ու ասել, որ այս պահին նրանց դեռ դա հարկավոր չէ»,-ասել է Վայնշտոկը «Մոսկվան է խոսում» ռադիոկայանին:
Ավելի վաղ նա հայտնել էր, որ Մոսկվայի կենդանաբանական այգին իր վրացի գործընկերներին առաջարկել է կենդանիներին ապաստան տրամադրել Մՙերձմոսկվայում, ինչպես նաև կենդանիներ տրամադրել Թբիլիսիի կենդանաբանական այգին:
Մինչ այդ, նախօրեին Թբիլիսի են ժամանել Պրահայի կենդանաբանական այգու աշխատակիցները, որոնք «որոշակի փորձ ունեն աղետի դեմ պայքարում ու կենդանիների փրկելու հարցում»,-ասել էր Թբիլիսիի կենդանաբանական այգու մամլո քարտուղար Մզիա Շարաշիձեն:
