Շուշի քաղաքում կասեցվել է մսամթերքի բակային վաճառքը
ԼՂՀ սննդամթերքի անվտանգության պետական ծառայության անասնաբուժության տեսչության կողմից պարզվել է, որ Շուշի քաղաքում առևտրի համար չնախատեսված, հակասանիտարական պայմաններում և առանց համապատասխան անասնաբուժական ուղեկցող փաստաթղթերի իրականացվել է մսամթերքի բակային վաճառք։
ՍԱՊԾ մամլո ծառայության փոխանցմամբ՝ մսի պիտանելիությունը ստուգելու նպատակով «Շուշիի անասնաբուժական սպասարկման կայան» ՊՈԱԿ-ում իրականացվել է լաբորատոր փորձաքննություն, ինչի արդյունքում պարզվել է, որ միսը պիտանի է սննդի մեջ օգտագործելու համար:
Սակայն հաշվի առնելով որ վաճառքը իրականացվում է առևտրի համար չնախատեսված, հակասանիտարական պայմաններում և առանց համապատասխան անասնաբուժական ուղեկցող փաստաթղթերի, անասնաբուժության տեսչության մասնագետների հանձնարարականով չիրացված մսի հետագա վաճառքը նշված պայմաններով արգելվել և հանվել է շուկայից: Տեսչությունը կոչ է անում նաև քաղաքացիներին չգնել առևտրի համար չնախատեսված, հակասանիտարական պայմաններում և առանց համապատասխան անասնաբուժական ուղեկցող փաստաթղթերի մսամթերք:
