Սաուդյան Արաբիայի գլխավորած դաշինքը դեսանտ է իջեցրել Ադենում
Թուրքական Anadolu լրատվական գործակալության փոխանցմամբ՝ Սաուդյան Արաբիայի գլխավորած կոալիցիոն ուժերը 30 հոգանոց դեսանտ են իջեցրել Եմենի խոշորագույն նավահանգիստ Ադենի ծովափին: Դեսանտն իջեցվել է հետախուզական նպատակներով:
Ավելի վաղ հաղորդվել էր, որ Եմենում ավարտվել է «Վճռականության փոթորիկ» ռազմական գործողությունը, որը Սաուդյան Արաբիայի գլխավորած դաշինքը մարտի 26-ին սկսել է Եմենի նախագահ Աբդու Ռաբու Մանսուր Խադիի խնդրանքով:
Դրանից հետո հայտարարվեց, որ Եմենում մեկնարկում է «Հույսի վերածնունդ» գործողությունը:
