ԱՄՆ պետդեպարտամենտը ողջունել է Իլհամ Ալիևի կողմից ՀԿ-ների գործիչերին ներում շնորհելը
Ռուսական РИА Новости լրատվական գործակալության փոխանցմամբ՝ ԱՄՆ-ը ողջունում է Ադրբեջանում տեղի ՀԿ-երի 4 գործիչների ազատելու մասին որոշումը: Այս մասին երեկ հայտարարել է ԱՄՆ պետդեպարտամենտի ներկայացուցիչ Ջեն Փսակին.
«ԱՄՆ-ը ողջունում է մարտի 18-ին հայտարարված ներումն ու Ընտրությունների ու ժողովրդավարության ուսուցման մոնիթորինգի կենտրոնի գործադիր տնօրեն Բաշիր Սուլեյմանլիին, ինչպես նաև ևս երեք մարդու ազատ արձակելը, որոնց, ինչպես համարում են ադրբեջանական ՀԿ-ները, կալանքի տակ էին պահում քաղաքացիական ակտիվության համար»:
Փսակին Ադրբեջանի իշխանություններին կոչ է արել դրական հավելյալ քայլեր ձեռնարկել տվյալ ուղղությամբ:
