Օբաման երկարաձգել է Իրանի դեմ պատժամիջոցները
Lenta.ru-ի փոխանցմամբ՝ ԱՄՆ նախագահ Բարաք Օբաման ևս մեկ տարով երկարաձգել է Իրանի դեմ պատժամիջոցների գործունեությունը: Այս մասին երեկ հայտնել է Սպիտակ տան մամլո ծառայությունը: 1995 թվականին հայտարարված սահմանափակիչ միջոցների գործունեության ժամկետն ավարտվում էր այս տարվա մարտի 15-ին:
Այդ մասին նշված է Կոնգրեսին հասցեագրած Օբամայի նամակում: Օբաման ընդգծել է, որ Իրանի իշխանությունների քաղաքական որոշումներն ու որոշակի գործողությունները հակասում են տարածաշրջանում ԱՄՆ-ի շահերին և շարունակում են արտակարգ սպառնալիք ներկայացնել ԱՄՆ-ի ազգային անվտանգության, արտաքին քաղաքականության ու տնտեսության համար:
Դրա հետ մեկտեղ Օբաման ընդգծել է «Վեցյակի» ու Իրանի միջև տարվող բանակցություններում առաջընթացի գրանցվելը:
