Ամենաշատ կալորիականություն ունեցող խմիչքները, որոնցից պետք է խուսափել

Steptohealth.ru կայքը կազմել է ամենաշատ կալորիականություն ունեցող խմիչքները, որոնցից պետք է խուսափել:

1. Թարմացնող ըմպելիքներն ամենավնասակարն են այն ամենից, ինչ մենք օգտագործում ենք: Խնդիրն այն է, որ այն մեծ քանակով շաքար, հետևաբար՝ շատ կալորիաներ է պարունակում: Դա էլ իր հերթին՝ կարող է քաշի ավելացման և շաքարային դիաբետի պատճառ դառնալ: Այդ պատճառով պետք է խուսափել դրանց օգտագործումից՝ դրանք փոխարինելով առավել քիչ կալորիականություն ունեցող ըմպելիքներով:

2. Ալկոհոլի չափազանց շատ օգտագործումը կարող է առողջության հետ կապված լուրջ խնդիրների առաջացման պատճառ դառնալ: Քիմիական ռեակցիայի արդյունքում՝ ալկոհոլն օրգանիզմում վերածվում է շաքարի, այդ իսկ պատճառով ալկոհոլային խմիչքներն ավելորդ քաշի ձեռքբերման պատճառ են դառնում: Իհարկե, ալկոհոլը չի կարող վտանգավոր լինել օրգանիզմի համար, եթե դրա օգտագործման չափերը չեն գերազանցում անհրաժեշտ քանակը:

3. Հյութերը, որպես կանոն, օգտակար են, սակայն դրանց մի մասը չափազանց շատ շաքար է պարունակում, հետևաբար՝ շատ են նաև կալորիաները: Այդ պատճառով գնելիս պետք է ուշադրություն դարձնել, թե որքան շաքար են դրանք պարունակում: Ամեն դեպքում, լավագույն լուծումը հյութերն ինքնուրույն պատրաստելն է՝ առանց շաքար ավելացնելու:

4. Չնայած կաթնային կոկտեյլները շատ համեղ են, դրանք մեծ քանակով շաքար են պարունակում: Պետք է աշխատել դրանք քիչ օգտագործել:

Կարող եք ինքներդ կոկտեյլ պատրաստել՝ շատ քիչ շաքար ավելացնելով:

Թարգմանությունը՝ 168.am-ի