Հիլարի Քլինթոնը պատմել է, թե ինչպես են Ռուսաստանում անցկացվում նախագահական ընտրությունները
Business Insider-ի փոխանցմամբ` ԱՄՆ նախկին պետքարտուղար Հիլարի Քլինթոնը Կանադայի Վիննիպեգ քաղաք կատարած այցի ժամանակ պատմել է, թե ինչպես են Ռուսաստանում տեղի ունենում նախագահական ընտրությունները:
Երբ Քլինթոնին հարցրել են 2016 թվականին պետության ղեկավարի պաշտոնում առաջադրվելու մտադրության մասին, նա պատասխանել է, որ ԱՄՆ-ում գոյություն ունի ընտրական կոնկրետ գործընթաց:
ԱՄՆ-ի ու Ռուսաստանի նախագահական ընտրությունների միջև տարբերությունն ի ցույց դնելու համար, նա առաջարկել է պատկերացնել Պուտինի ներքին երկխոսությունը.
«Մի անգամ նա ասում է ինքն իրեն. «Վլադիմի´ր, դու կցանկանա՞ս վերստին դառնալ նախագահ: Կարծում եմ, որ կցանկանայի: Ինչու մենք պարզապես չհայտարարենք այդ մասին: Ասենք Դմիտրիին, որ նա դառնալու է վարչապետ: Հիանալի գաղափար է»»:
