Վրաստանի, Թուրքիայի ու Ադրբեջանի նախագահների գագաթաժողովն այս տարի կանցկացվի Բաքվում
Georgianpress-ի փոխանցմամբ՝ Վրաստանի, Թուրքիայի ու Ադրբեջանի նախագահների մասնակցությամբ գագաթաժողովն այս տարի անցկացվելու է Բաքվում: Այս մասին Թբիլիսիում հայտարարել է Վրաստանի նախագահի աշխատակազմի ղեկավարի տեղակալ Գիորգի Աբաշիշվիլին:
Նա ընդգծել է, որ երեք երկրների գագաթաժողովները կանցկացվեն ամեն տարի, և որ դրանք կնպաստեն Վրաստանի աշխարհաքաղաքական դերակատարության ուժեղացմանը՝ կապված Ասիայի ու Եվրոպայի միջև այսպես կոչված կամրջային դեր խաղալու հետ:
Առաջին գագաթաժողովը նախորդ տարի անցկացվել է Թբիլիսիում, այս տարի այն կանցկացվի Բաքվում, իսկ հաջորդ տարի՝ Թուրքիայում: Աբաշիշվիլին հայտարարել է, որ Վրաստանի նախագահը մեծ ուշադրություն ու մեծ կարևորություն է տալիս տվյալ գագաթաժողովին. «Վրաստանը հատուկ ուշադրություն է հատկացնում Թուրքիայի ու Ադրբեջանի հետ համագործակցությանը»:
