ԱՄՆ-ի գլխավորած միջազգային դաշինքը չի շտապում երկրին օգնելու հարցում. Իրաքի վարչապետ
Al-Ahram թերթի փոխանցմամբ՝ Իրաքի վարչապետ Հեյդար ալ-Աբադին Կահիրեում լրագրողների հետ զրույցում քննադատել է ԱՄՆ-ի գլխավորած միջազգային դաշինքին՝ հայտարարելով, որ նա չի շտապում օգնել իր երկրի զինված ուժերին. «Միջազգային դաշինքը հապաղում է աջակցության ցուցաբերման, այդ թվում նաև իրաքյան բանակի նախապատրաստման հարցում:
Օգնությունը հատկացվում է չափազանց դանդաղ, սակայն վերջին երկու շաբաթվա ընթացքում նկատվում է որոշակի արագացում, և մենք կոչ ենք անում հետագայում նույնպես ընդլայնել տեմպերը»:
ԱՄՆ-ի գլխավորած դաշինքը 2014 թվականի օգոստոսից հարվածներ է հասցնում Իրաքում «Իսլամական պետության» դիրքերին: Սեպտեմբերի վերջից էլ ռմբակոծությունների են ենթարկվում հարևան Սիրիայում «Իսլամական պետության» դիրքերը:
