Միջազգային դոնորները երեք միլիարդ դոլար են հատկացրել Արալյան լճի փրկության համար
Ռուսական РИА Новости լրատվական գործակալության փոխանցմամբ՝ միջազգային դոնորները երեք միլիարդ դոլար են հատկացրել չորացող Արալյան լճի փրկության համար: Այս մասին հայտարարել է Ուզբեկստանի փոխվարչապետ Ռուստամ Ազիմովը:
Միջոցների հատկացման մասին պայմանավորվածությունը ձեռք է բերվել հոկտեմբերի 28-29-ին Ուզբեկստանի Ուրգենչ քաղաքում Արալյան լճի փրկության վերաբերյալ անցկացված միջազգային կոնֆերանսում:
Ազիմովը մանրամասնել է, որ 1.9 միլիարդ դոլարը հատկացվելու է արտոնյալ պայմաններով վարկի տեսքով, ևս մեկ միլիարդ դոլար էր կհատկացվի դրամաշնորհների ու տեխնիկական աջակցության միջոցների տեսքով:
