Իրանն ու «Վեցյակը» տարաձայնություններ ունեն «միջուկային» բանակցությունների բոլոր հարցերի շուրջ. Արաղչի
![](https://168.am/wp-content/uploads/2014/10/10271253781.jpg)
Իրանական IRNA լրատվական գործակալության փոխանցմամբ՝ Իրանի փոխարտգործնախարար Աբբաս Արաղչին հայտարարել է, որ Իրանի ու «Վեցյակի» ներկայացուցիչները փորձագետների մակարդակով Վիեննայում հանդիպելու են հոկտեմբերի 22-23-ին՝ քննարկելու համար Իրանի միջուկային ծրագրի հարցը:
Արաղչին ընդգծել է, որ օրակարգում չի գտնվում նոյեմբերի 24-ից հետո կողմերի միջև բանակցությունների հնարավոր երկարաձգման հարցը: Նա հավելել է, որ բանակցային նոր փուլի անցկացման ժամկետը հայտնի կդառնա շատ շուտով:
Իրանի ու «Վեցյակի» միջև խորհրդակցությունների 8-րդ փուլը Վիեննայում անցկացվել է հոկտեմբերի 16-ին և դարձել է ամենակարճ փուլը՝ տևելով ընդամենը 6 ժամ: Արաղչին հայտարարել է, որ Իրանն ու «Վեցյակը» տարաձայնություններ ունեն «միջուկային» բանակցությունների բոլոր հարցերի շուրջ: