Իսրայելը վերսկսում է Եգիպտոսին գազ մատակարարելը
France-Presse լրատվական գործակալության փոխանցմամբ՝ Իսրայելը վերսկսում է Եգիպտոսին գազ մատակարարելը: Գազամատակարարման երկամյա դադարի պատճառը գազատարի պայթյունն է:
Երկու երկրների միջև կառուցված գազատարը վերջին տարիներին մշտապես ենթարկվել է ահաբեկչական խմբերի հարձակումներին: 2013 թվականին Իսրայելը սկսել է արդյունահանել «Թամար» հանքավայրի գազը:
Հանքավայրի տերերը Թել Ավիվի իշխանություններին հայտնել են, որ գազի մատակարարման վերաբերյալ պայմանագիր են ստորագրել եգիպտական Dolphinus Holdings ընկերության հետ: Դրա համաձայն՝ եգիպտական կողմը 7 տարի շարունակ պետք է տարեկան ստանա մոտ 2.5 միլիարդ խորանարդ մետր գազ:
Վերջին 10 տարում Իսրայելն ապահովել է Եգիպտոսին անհրաժեշտ գազի ծավալի մինչև 40 տոկոսը: 2012 թվականի ապրիլին Եգիպտոսը չեղյալ էր հայտարարել տվյալ համաձայնագիրը՝ հայտարարելով, թե Իսրայելը չի կատարում իր պարտավորությունները:
