Իրաքի օդուժը սխալմամբ հումանիտար օգնությունը հատկացրել է «Իսլամական պետության» զինյալներին
Ամերիկյան The Washington Times թերթի փոխանցմամբ՝ Իրաքի ռազմաօդային ուժերը սխալմամբ հումանիտար օգնություն են հասցրել Անբար նահանգի շրջաններից մեկը, որը գտնվում է «Իսլամական պետություն» արմատական խմբավորման զինյալների վերահսկողության տակ:
Խոսքը գնում է սննդամթերքի, խմելու ջրի ու զինամթերքի մասին, որոնց կարիքը զգում են իրաքցի զինծառայողները: Իրաքցի պատգամավորներից մեկը հայտարարել է, որ դա տեղի է ունեցել իրաքյան ռազմական հրամանատարության սխալի ու օդաչուների անփորձության պատճառով. «Մենք ինքներս «Իսլամական պետության» զինյալներին օգնեցինք սպանելու մեր զինվորներին»:
Ներկայումս տարվում է հետաքննություն:
