Վիրահատությունից հետո վերականգնողական շրջանի տևողությունը կախված է իմունային բջիջների ակտիվությունից
Գիտնականները պարզել են, որ հնարավոր է կանխատեսել վերականգնողական շրջանի տեւողությունը, գրում է Live Science-ը: Դա պայմանավորված է իմունային բջիջների՝ CD14+ մոնոցիտների ակտիվությամբ:
Մասնագետները հետազոտություն են իրականացրել 50-80 տարեկան հիվանդների շրջանում վիրահատությունից առաջ եւ հետո: Պարզվել է, որ վիրահատությունից հետո առավել արագ վերականգնվում են այն հիվանդները, որոնց մոտ CD14+ բջիջներն ավելի ակտիվ են: Այս բջիջներն արձագանքում են տրավմաներին՝ ճնշելով բորբոքումները:
