Հայտնաբերվել է մահվան ելքով վրաերթ կատարած վարորդը

Ինչպես նախկինում տեղեկացրել էինք. նոյեմբերի 22-ին, ժամը 23.20-ի սահմաններում, անհայտ ավտոմեքենայի վարորդը Վաղարշապատ քաղաքի Մաշտոցի փողոցում` թիվ 2-րդ ավագ դպրոցի դիմաց, վրաերթի էր ենթարկել 1987 թ. ծնված Ավետիք Բաբայանին, որը հիվանդանոց տեղափոխվելու ճանապարհին մահացել էր, իսկ վարորդը դեպքի վայրից դիմել էր փախուստի:

Ոստիկանության ծառայողների ձեռնարկած միջոցառումների շնորհիվ պարզվել է, որ վրաերթը կատարել է 1972 թ. ծնված Եղիշե Պ.-ն, որը բացատրական աշխատանքների շնորհիվ, նոյեմբերի 24-ին, ժամը 21.40-ին, կամավոր ներկայացել է բաժին և հայտնել, որ Ա. Բաբայանին, «Միցուբիշի Պաջեռո» մակնիշի ավտոմեքենայով, ինքն է վրաերթի ենթարկել:

Եղիշե Պ.-ն ձերբակալված է:

Կատարվում է քննություն:

ՀՀ Ոստիկանություն