Վանաձորում բնակարան է հրդեհվել
Նոյեմբերի 15-ին, ժամը 10.39-ին ահազանգ է ստացվել, որ հրդեհ է բռնկվել Լոռու մարզի Վանաձոր քաղաքի Գր.Լուսավորիչ փողոցի թիվ 37/16 շենքի երկրորդ հարկի բնակարանում:
Դեպքի վայր է մեկնել մեկ մարտական հաշվարկ:
Պարզվել է, որ թիվ 37 շենքի 14-րդ բնակարանում այրվում է բազմոց:
Հրդեհը մեկուսացվել է ժամը 11.00-ին, մարվել` 11.25-ին: Ն. Պ.-ին պատկանող բնակարանի հյուրասենյակում այրվել են բազմոց, համակարգչային սեղան (համակարգչով) և 4 կախովի գրապահարան:
