Լոռիի մարզպետարանի 35-ամյա առաջատար մասնագետն ինքնասպան է եղել (լրացված)

Լոռիի մարզի Վանաձոր քաղաքում հուլիսի 29-ին ինքնասպանություն է տեղի ունեցել: Այս մասին տեղեկացնում է NEWS.am-ը: Իր բնակարանի լոգարանում կախվելու միջոցով ինքնասպանություն է գործել 35-ամյա Աննա Ա-ն, ով աշխատում էր Լոռիի մարզպետարանում:

NEWS.am-ի Լոռիի թղթակցի այս տեղեկությունը հաստատել են թե Լոռիի մարզպետարանից, թե ոստիկանության Լոռիի մարզային քննչական բաժնից:

Վերջինս աշխատում էր մարզպետարանում որպես առաջատար մասնագետ:

Իսկ «Փաստինֆո»-ի ունեցած տեղեկությունների համաձայն, երիտասարդ կինը նախ կտրել է երակները, ապա՝ լոգարանում կախվել։ Նա նաեւ երկտող է թողել՝ շատ կարճ բովանդակությամբ։

Նրան ճանաչողները պատմում են, որ երիտասարդ կինն ունեցել է որոշակի անձնական խնդիրներ, երկու անգամ ամուսնալուծվել է, որի պատճառով ունեցել է ծանր ապրումներ։ Նրա մոտ նկատվել է տրամադրության անկում։

Դեպքի կապակցությամբ նախապատրաստվում են նյութեր։