Հակահայկականությունը՝ անպատժելիության հետևանք. մամուլ
«Ժամանակ» օրաթերթը գրում է. «Հայ վարորդի հանդեպ ցուցաբերված ստորացուցիչ վերաբերմունքը հատուկ է հետսովետական բոլոր երկրնեի իրավապահ մարմիններին՝ երեկ «Ժամանակին» ասաց Մոսկվայի Հելսինկյան խմբի իրավապաշտպան, մարդու իրավունքների երիտասարդական շարժման անդամ Դմիտրի Մակարովը:
Ըստ նրա՝ պարզապես այս դեպքում դատարանից կադրեր հրապարակվեցին, և դա ավելի հրապարակային դարձավ: Նրա գնահատմամբ՝ բնականաբար տեղի է ունեցել մարդու և ազատազրկվածի իրավունքների կոպիտ խախտում: Մեր հարցին՝ ինչո՞վ են պայմանավորված հանրության հակահայկական տրամադրությունները, պատասխանեց, որ դրանք մեծապես պայմանավորված են երկրում անպատժելիության մթնոլորտի առկայությամբ, ուստի չպետք է կապել քաղաքականության հետ»:
