Իրանը համաձայնել է դադարեցնել ուրանի հարստացումը՝ պատժամիջոցների մեղմացման դիմաց. Al Hadath
Al Hadath հեռուստաալիքը, հղում անելով Պակիստանում իր աղբյուրներին, հայտնել է, որ Իրանը համաձայնել է դադարեցնել ուրանի հարստացումը՝ ԱՄՆ-ի սահմանած պատժամիջոցների մեղմացման դիմաց։
Հեռուստաալիքի տվյալներով՝ պայմանավորվածությանը հաջողվել է հասնել իրանա-ամերիկյան բանակցություններին մասնակցող միջնորդների աջակցությամբ։ Պաշտոնական Թեհրանը դեռևս չի մեկնաբանել այդ տեղեկությունը։
Ավելի վաղ՝ սեպտեմբերի 28-ին, Axios-ի և իսրայելական հեռուստատեսության 12-րդ ալիքի թղթակից Բարաք Ռավիդը, հղում անելով ամերիկացի պաշտոնյային, հայտնել էր, որ ԱՄՆ նախագահ Դոնալդ Թրամփը պատրաստ է թուլացնել Իրանի դեմ պատժամիջոցները և ապասառեցնել իրանական սառեցված ակտիվները։ Նրա տվյալներով՝ դա հնարավոր է Թեհրանի կողմից Վաշինգտոնի՝ միջուկային ծրագրին վերաբերող պահանջների կատարման դիմաց։
