Պուտինը հայտարարել է, որ ինքը զգում է Ժիրինովսկու բացակայությունը
Ռուսաստանի նախագահ Վլադիմիր Պուտինը հայտարարել է, որ ինքը զգում է Ռուսաստանի լիբերալ-դեմոկրատական կուսակցության հիմնադիր Ժիրինովսկու բացակայությունը, հատկապես ներկա պայմաններում։
Դրա մասին պետության ղեկավարն ասել է խորհրդարանական կուսակցությունների առաջնորդների հետ հանդիպման ժամանակ։ Այդ հայտարարության առիթը դարձել է Ռուսաստանի լիբերալ-դեմոկրատական կուսակցության նախագահ Լեոնիդ Սլուցկու դիտարկումը, որ անցած դումայի քարոզարշավը կուսակցության համար առաջինն էր Ժիրինովսկու մահից հետո։
«Իսկապես, ընտրություններն անցկացվեցին առանց Վլադիմիր Վոլֆովիչ Ժիրինովսկու։ Եվ կուզենայի նշել, որ, իհարկե, զգում ենք Ժիրինովսկու բացակայությունը, հատկապես ներկայիս պայմաններում»,- ասել է Պուտինը։
Վլադիմիր Ժիրինովսկին մահացել է 2022 թվականի ապրիլի 6-ին՝ 75 տարեկան հասակում, երկարատև հիվանդությունից հետո։
