Դեկուն բացատրել է, թե ինչու Բարսելոնան Ռեշֆորդի փոխարեն ընտրեց Գորդոնին
Բարսելոնայի» մարզական տնօրեն Դեկուն մեկնաբանել է կատալոնական ակումբի որոշումը՝ անգլիական «Նյուքասլից» Էնթոնի Գորդոնին գնելու և «Մանչեսթեր Յունայթեդին» պատկանող Մարկուս Ռեշֆորդի տրանսֆերային իրավունքը չգնելու վերաբերյալ:
Նախորդ մրցաշրջանում Ռեշֆորդը վարձավճարով հանդես էր գալիս «Բարսելոնայում»՝ դառնալով 14 գոլի հեղինակ և թիմին օգնելով հաղթել Լա Լիգան ու Իսպանիայի գավաթը: Չնայած այս հաջողությանը՝ ակումբը հրաժարվեց նրան վերջնականապես գնելու հնարավորությունից (շուրջ 30 մլն եվրո) և նախընտրեց մոտ 70 մլն եվրո վճարել Գորդոնի տեղափոխության համար:
BBC-ի հետ զրույցում Դեկուն այս որոշումը բացատրել է գլխավոր մարզիչ Հանսի Ֆլիկի մարտավարական պահանջներով․
«Մենք անչափ երախտապարտ ենք Ռեշֆորդին, նա մեծ ավանդ ունեցավ նախորդ մրցաշրջանում: Բայց խաղային մեր գաղափարախոսությունն ավելի շատ կապված է Էնթոնիի հետ: Նրա ոճը լիովին համապատասխանում է այն ամենին, ինչ փնտրում է մարզիչը:
Նախորդ մրցաշրջանում մենք խնդիրներ ունեինք. երբ Ռաֆինյան դաշտում չէր լինում, թիմը կորցնում էր էներգիան, իսկ Գորդոնի օգնությամբ մենք կարող ենք լուծել այդ խնդիրը: Մեզ ավելի շատ ինտենսիվություն էր պետք: Պրեմիեր լիգայից ֆուտբոլիստ ձեռք բերելը գրեթե անհնար է, բայց Ֆլիկը հստակ գիտեր, թե ինչ է ուզում: Մեծ առավելություն էր նաև այն, որ ֆուտբոլիստն ինքը ցանկացավ տեղափոխվել և կարողացավ ճնշում գործադրել իր ակումբի վրա»:
25-ամյա անգլիացին արդարացնում է սպասելիքները հենց մեկնարկից. նա դեռ գոլ չի խփել կատալոնական ակումբի կազմում, սակայն անցկացրած առաջին 5 խաղում դարձել է 5 գոլային փոխանցման հեղինակ՝ կրկնելով Լա Լիգայի ռեկորդը:
ArmSport
