ԵՊՀ ռեկտորի ընտրություններն անցկացվում են ժամկետից շուտ. միակ թեկնածուն գործող ռեկտորն է
Հովհաննիսյանը կրկին ԵՊՀ ռեկտորի միակ թեկնածուն է, այնինչ տվյալ պաշտոնի համար մինչ այս տարբեր պատճառներով նա ընդունելի չի եղել ՔՊ-ական իշխանության համար, գրում է oragirnews-ը:
«Սակայն նա պատրաստակամություն է հայտնել անելու ամեն ինչ՝ կրկին ռեկտոր դառնալու դեպքում, մասնավորապես նպաստել ԵՊՀ-ն Ակադեմիական քաղաք տեղափոխելու իշխանության ջանքերին»,-նշում է պարբերականը։
Քաղաքական գործիչ Մենուա Սողոմոնյանն էլ ավելի վաղ հայտարարել էր, որ ընտրությունները խախտումներով են ընթանում, քանի որ ռեկտորի պաշտոնավարման ժամկետը լրանում է դեկտեմբերին, բայց ժամանակից շուտ են անցկացնում, որ այլ թեկնածու չլինի:
Հովհաննես Հովհաննիսյանը նշանակվել է ԵՊՀ ռեկտորի ժամանակավոր պաշտոնակատար 2021 թ. օգոստոսի 5-ին՝ փոխարինելով 2 տարի պաշտոնավարած Գեղամ Գևորգյանին։ Նույն թվականի դեկտեմբերի 17-ին ընտրվել է ռեկտոր։
