Բաքուն թույլ չի տա «ռեպրեսիաներ» Գրիգորիուի նկատմամբ
Ադրբեջանը «ուշադիր հետևում է» Մոլդովայի օմբուդսմեն Աուրելիա Գրիգորիուի հետ կապված զարգացումներին՝ թույլ չտալու «ռեպրեսիաներ» նրա նկատմամբ: «Ազատություն» ռադիոկայանը՝ հղում անելով APA լրատվական գործակալությանը, հաղորդում է, որ այդ մասին հայտարարել է Ադրբեջանի արտգործնախարար Էլմար Մամեդյարովը:
Ադրբեջանի արտաքին քաղաքական գերատեսչության ղեկավարի խոսքերով՝ այն, ինչ կատարվել է Գրիգորիուի հետ Հայաստանի խորհրդարանում նրա հայտնի ելույթից հետո, տհաճ փաստ է:
«Մենք այժմ սևեռուն կերպով հետևում ենք իրավիճակին, որպեսզի օմբուդսմենը ռեպրեսիաների կամ ճնշման չենթարկվի Մոլդովա վերադառնալուց հետո», – ասել է Մամեդյարովը:
