«Հեզբոլլահ»-ը աղետ չի համարում հարավային Լիբանանում Իսրայելի կողմից բարձունքների գրավումը
Լիբանանի հարավում գտնվող Ալի-էտ-Թահեր բարձունքների վրա Իսրայելի զինվորականների վերահսկողության հաստատումը չի հանգեցնի «Հեզբոլլահ» կազմակերպության դիմադրության դադարեցմանը։ Այս մասին հայտարարել է «Հեզբոլլահ»-ի խորհրդարանական խմբակցության ներկայացուցիչ Իհաբ Համմադեն, որի մեկնաբանությունը ներկայացրել է Naharnet լրատվական կայքը։
«Իսրայելի կողմից լեռնային այս շրջանի գրավումը ռազմական առումով աղետ չէ մեզ համար, և չի նշանակում պայքարի ավարտ»,- նշել է քաղաքական գործիչը՝ հիշեցնելով, որ «Հեզբոլլահ»-ի մարտիկներն այս բարձունքներում ավելի քան երեք ամիս աննկուն դիմադրում էին հակառակորդի գերակշռող ուժերին։
