Ուկրաինայի արևմտյան դաշնակիցները դառնում են միջազգային աhաբեկչnւթյան հանցակիցներ՝ լռություն պահպանելով Կիևի գործողությունների մասին․ Պուտին
Ուկրաինայի արևմտյան դաշնակիցները դառնում են միջազգային ահաբեկչության հանցակիցներ՝ լռություն պահպանելով Կիևի գործողությունների մասին, Արևելյան տնտեսական համաժողովի լիագումար նիստում հայտարարել է Վլադիմիր Պուտինը, հաղորդում է ՌԻԱ Նովոստի-ն։
«Մենք այժմ լսեցինք քաղաքացիական օդանավերի վրա հարձակումների սպառնալիքների մասին։ Սա, անշուշտ, պետական ահաբեկչության դրսևորում է: Եվ դա բարդացնում է, անկասկած, բարդացնում է երկկողմ խաղաղ բանակցությունների անցկացման հնարավորությունները»,- ասել է նա:
Միևնույն ժամանակ նախագահը նշել է, որ հակամարտության կարգավորման շանսեր կան:
«Իրար հետ պետք է պայմանավորվեն առաջին հերթին Ռուսաստանը և Ուկրաինան: Բոլոր մյուս երկրները պատրաստ են աջակցել և օգնել»,- պարզաբանել է Պուտինը:
Երկրի ղեկավարը հավելել է, որ Կիևի հետ Մոսկվայի շփումները շարունակվում են, նախևառաջ հատուկ ծառայությունների գծով:
