Աղոթք ենք հղում Բարձրյալ Աստծուն՝ Վեհափառ Հոր բարօրության և իր առաքելության կատարման համար
Տավուշի թեմի հոգևոր դասը՝ թեմի Առաջնորդական տեղապահ Հոգեշնորհ Տ. Սամվել վարդապետ Մխիթարյանի գլխավորությամբ, հավատավոր զավակները, երիտասարդաց, տիկնանց միությունները, վանքապատկան դպրոցների սաները և ուսուցիչները, աշխարհիկ ծառայողները, ծխական խորհուրդների, թեմական պատգամավորական և թեմական խորհրդի անդամները սրտի մեծ ուրախությամբ շնորհավորում են Ն.Ս.Օ.Տ.Տ. Գարեգին Երկրորդ Ամենայն Հայոց Կաթողիկոսի ծննդյան 75-րդ տարեդարձը՝ մաղթելով Տիրոջ օրհնությամբ արևշատ ու քաջառողջ երկար տարիների կյանք ի պայծառություն Հայոց աշխարհի և Մայր Եկեղեցու՝ ի Հայաստան և ի Սփյուռս։
«Մեր աղոթքն ենք հղում Բարձրյալ Աստծուն՝ Վեհափառ Հոր բարօրության և իր աստվածահաճո առաքելության կատարման համար։
Ամեն հայի սրտից բխած,
Լսիր այս ձայն, ով Աստված.
Երկար կյանք տուր Հայրապետին,
Երկար օրեր Հայոց Հոր:
Տեր, անսասան պահիր դու միշտ
Քո իսկ հիմնած Մայր Աթոռ»:
