ՄԱԿ-ը դանդաղ մահանում է. Ռաֆայել Գրոսի
ՄԱԿ-ը դանդաղ մահանում է և կորցնում ազդեցությունը, կարծում է ՄԱԳԱՏԷ–ի ղեկավար Ռաֆայել Գրոսին, որը հավակնում է ՄԱԿ-ի գլխավոր քարտուղարի պաշտոնին։
Financial Times-ին տված հարցազրույցում Գրոսին հայտարարել է, որ ՄԱԿ-ը էական ներդրում չի ունենում միջպետական պատերազմների և նոր ճգնաժամերի լուծման գործում։
Ավելի վաղ Անվտանգության խորհրդի նախագահ Զեննոն Մուկոնգո Նգայը հայտնել էր, որ Անվտանգության խորհրդում ավարտվել է կազմակերպության բարձրագույն պաշտոնի համար թեկնածուների ընտրության առաջին փակ քվեարկությունը։
Թեկնածուների ցուցակում ընդգրկված էր 7 մարդ՝ Միշել Բաչելետը Չիլիից, Մարիա Ֆերնանդա Էսպինոսա Գարսեսը Էկվադորից, Ռաֆայել Մարիանո Գրոսին Արգենտինայից, Ռեբեկա Գրինսպան Մայուֆիսը Կոստա Ռիկայից, Օլարա Օտուննուն Ուգանդայից, Քերոլայն Ռոդրիգես Բիրկեթը Գայանայից և Մաքի Սալը՝ Սենեգալից։
Երկու ժամկետ անընդմեջ պաշտոնը զբաղեցնող Անտոնիո Գուտերեշի պաշտոնավարումն ավարտվում է 2026 թվականի դեկտեմբերի 31-ին։
