Վեհափառ Հայրապետի քրգործը հայության խայտառակությունն է, թվում էր՝ ուշքի կգան․ Կարապետյան
Վաղը՝ օգոստոսի 7-ին, տեղի է ունենալու հայ ժողովրդի հազարամյա պատմության մեջ նախադեպը չունեցող իրադարձություն՝ հայկական պետության դատարանի առջև է կանգնելու Ամենայն Հայոց Կաթողիկոսը՝ մեղադրյալի կարգավիճակով։
Ընդ որում, ըստ իրավապաշտպանների, Վեհափառ Հայրապետին վերագրվում է այնպիսի արարքի կատարում, որը վերաբերում է բացառապես հոգևոր ոլորտին, պաշտպանված է «եկեղեցին անջատ է պետությունից» սկզբունքով, ուստի իրավունքի ուժով անհասանելի է որևէ աշխարհիկ ատյանի համար։
«Ուժեղ Հայաստան» դաշինքի առաջնորդ Սամվել Կարապետյանը, որը հայտարարել էր՝ «մեր ձևով կպաշտպանենք եկեղեցին», ինչի պատճառով իշխանությունների կողմից նրա դեմ քաղաքական հետապնդումներ սկսվեցին, լրագրողների հետ ճեպազրույցում անդրադառնալով Վեհափառի դեմ քրեական գործընթացին, ասաց, որ դա համարում է ամբողջ հայության խայտառակությունը, որն իշխանությունները դեռ շարունակում են:
«Ինձ թվում էր՝ իրենք ուշքի կգան, բայց դեռ շարունակում են։ Կտեսնենք»,- ընդգծեց նա:
Մանրամասները՝ տեսանյութում
