ԱՄՆ-ի լցակայաններում բենզինի միջին գինը նորից գերազանցել է 4 դոլարը՝ 1 գալոնի դիմաց
ԱՄՆ-ի լցակայաններում բենզինի միջին գինը նորից գերազանցել է 4 դոլարը՝ մեկ գալոնի (3,8 լիտր) դիմաց։
Ինչպես հայտնում է ԱՄՆ–ի ավտոմոբիլային ասոցիացիան, անցած շաբաթվա ընթացքում միջին գինն աճել է 15 ցենտով՝ կազմելով 4,09 դոլար։
Թանկացման հիմնական պատճառը նավթի համաշխարհային գների աճն է՝ Հորմուզի նեղուցի փակման պատճառով։
Փետրվարի վերջին (մինչև Իրանի դեմ ԱՄՆ-ի ագրեսիայի սկսվելը) ԱՄՆ-ի լցակայաններում բենզինն արժեր միջինում 3 դոլարից փոքր-ինչ պակաս, ապրիլ-մայիս ամիսներին դրա գինն աճեց մինչև 4,5 դոլար։ Կրակի ժամանակավոր դադարեցումից հետո գները կրկին նվազեցին։
Բենզինն ամենաթանկն արժե Կալիֆոռնիայում (5,57 դոլար) և Հավայան կղզիներում (5,42 դոլար), իսկ ամենամատչելին՝ Ինդիանա նահանգում (3,53 դոլար)։
ԱՄՆ–ի կողմից Իրանին հասցվող հարվածների վերսկսումից հետո նավթի համաշխարհային գները 72 դոլարից հասել են գրեթե 100 դոլարի՝ մեկ բարելի դիմաց։
