ՖԻՖԱ-ն կարող է ընդլայնել Աշխարհի առաջնության մասնակիցների թիվը մինչև 64-ի
ՖԻՖԱ-ի նախագահ Ջաննի Ինֆանտինոն հայտարարել է, որ կազմակերպությունը դիտարկում է Աշխարհի առաջնության մասնակից թիմերի քանակը 48-ից 64-ի հասցնելու հնարավորությունը:
«Ամբողջ աշխարհը պետք է հնարավորություն ունենա երազել Աշխարհի առաջնության մասին, այլ ոչ միայն Եվրոպան և Հարավային Ամերիկան: Ֆորմատի ընդլայնումը հսկայական հաջողություն է: Ակնհայտ է, որ թիմերի ընդհանուր մակարդակը չափազանց բարձր է և անընդհատ աճում է ամբողջ աշխարհում», — հայտնել է Ինֆանտինոն Blue Sport պորտալին:
Հիշեցնենք, որ երկար տարիներ մունդիալներին մասնակցում էր 32 թիմ: Սակայն 2026 թվականի Աշխարհի առաջնությունից սկսած՝ ՖԻՖԱ-ն արդեն իսկ ընդլայնել էր մասնակիցների կազմը՝ հասցնելով այն 48-ի: Այդ մրցաշարում հավաքականները բաժանվել էին 12 խմբի, իսկ փլեյ-օֆֆ փուլ էին դուրս եկել 32 թիմեր:
