Իրանը սկսել է նավթի արտահանումը ամերիկյան շրջափակման դադարեցումից հետո
Իրանական տանկերները վերջին երկու ամիսների ընթացքում առաջին անգամ սկսել են հում նավթի արտահանումը այն բանից հետո, երբ Վաշինգտոնն ու Թեհրանը հայտարարեցին շրջանակային համաձայնության մասին, որը, ի թիվս այլնի, նախատեսում է իրանական նավահանգիստների ամերիկյան շրջափակման դադարեցում, հաղորդում է CNN հեռուստաալիքը։
Ինչպես հաղորդում է TankerTrackers վերլուծական ընկերությունը, որը զբաղվում է ծովային փոխադրումների մոնիթորինգով, իրանական տանկերներն արդեն հաջողությամբ արտահանել են նավթի երկու խմբաքանակ։
Ընկերության տվյալներով, որոնք հաստատվում են արբանյակային լուսանկարներով, Իրանի ազգային տանկերային ընկերության առնվազն երկու սուպերտանկեր, տեղափոխելով 3,8 մլն բարել հում նավթ, անցել են ԱՄՆ-ի ռազմածովային շրջափակման գիծը։
ԱՄՆ նախագահ Դոնալդ Թրամփը երկուշաբթի հայտարարել է, որ Հորմուզի նեղուցը կրկին բաց է համաձայնեցված հուշագրի պայմաններին համապատասխան, սակայն ավելի ուշ փոխել է ժամկետները՝ հայտարարելով, որ նեղուցը կրկին կբացվի փաստաթղթի պաշտոնական ստորագրումից հետո՝ ուրբաթ օրը Շվեյցարիայում։
