Ուեյն Ռունին նշել է բոլոր ժամանակների լավագույն մարզչին
Անգլիայի հավաքականի և «Մանչեսթեր Յունայթեդի» նախկին ֆուտբոլիստ Ուեյն Ռունին անվանվել է բոլոր ժամանակների լավագույն մարզչին։
«Ես շատ համեմատություններ եմ տեսել Ալեքս Ֆերգյուսոնի հետ։ Կարող եմ ասել, որ Ֆերգյուսոնը բոլոր ժամանակների մեծագույն մարզիչն է, բայց Պեպը անկասկած իր սերնդի լավագույնն է՝ մեծ տարբերությամբ։
Ես տեսել եմ, թե ինչպես են մարդիկ խոսում Գվարդիոլայի 10 տարվա հավատարմության մասին, և դա անհավանական է, բայց Ֆերգյուսոնը հավատարիմ էր ակումբին 26 տարի։ Եթե իսկապես մտածեք այդ ժամանակահատվածի մասին, 26 տարին մեկ ակումբում բացարձակապես զարմանալի է։
Երբ սըր Ալեքսը ժամանեց «Մանչեսթեր Յունայթեդ», իրավիճակը բոլորովին այլ էր։ Նա գործնականում ստիպված էր ակումբը կառուցել զրոյից, որպեսզի այն կրկին հաջողակ ուժ դառնար անգլիական ֆուտբոլում, մինչդեռ Պեպը դրա կարիքը չուներ։
Բայց այն, ինչի նա հասավ լիակատար գերիշխանության առումով… դրանում կասկած չկա»,- ասել է Ռունին, ում խոսքերը մեջբերում է BBC-ն։
Ֆերգյուսոնը համարվում է ֆուտբոլի պատմության ամենատիտղոսակիր մարզիչներից մեկը։ Նա ընդգրկվել է անգլիական և շոտլանդական ֆուտբոլի փառքի սրահներում, ինչպես նաև Անգլիայի Պրեմիեր լիգայի, և իր կարիերայի ընթացքում նվաճել է 49 գավաթ։
