Թրամփը կոչ է արել Նեթանյահուին սահմանափակվել Լիբանանին հասցվող կետային հարվածներով
Միացյալ Նահանգների նախագահ Դոնալդ Թրամփը հայտարարել է, որ Իսրայելի վարչապետ Բենիամին Նեթանյահուին կոչ է արել սահմանափակվել Լիբանանին հասցվող կետային հարվածներով։
«Ես Նեթանյահուին ասացի, որ նա պետք է գործի միայն կետային հարվածներ հասցնելով, չքանդի շենքերը։ Դա չափազանց սարսափելի է, և Իսրայելին վատ կերպով է ներկայացնում»,-ասել է Թրամփն Axios լրատվականին։
Չնայած Լիբանանի և Իսրայելի միջև հայտարարված հրադադարի ռեժիմին, իսրայելական ավիացիան ու հրետանին շարունակում են ամեն օր գրոհներ իրականացնել Լիբանանի հարավի վրա։
