Իսպանիայի վարչապետը Կատալոնիան երկիր է անվանել
Իսպանիայի վարչապետ Պեդրո Սանչեսը, ելույթ ունենալով Պատգամավորների կոնգրեսում, Կատալոնիան երկիր է անվանել: Այս մասին տեղեկանում ենք РИА Новости-ից:
«Ներկայիս կառավարությունը… Իսպանիան և Կատալոնիան կդարձնի ավելի լավ երկրներ։ Այո՛, ավելի լավ երկրներ»,- ընդգծել է նա ներգաղթի քաղաքականության վերաբերյալ ելույթի ժամանակ՝ պատասխանելով «Միասին Կատալոնիայի համար» կուսակցության ներկայացուցիչ Միրիամ Նոգերասի քննադատությանը։
Español թերթը գրում է, որ սա առաջին դեպքը չէ, երբ Սանչեսը Կատալոնիան անվանում է երկիր։ 2025 թվականին կատալոնացի ձեռնարկատերերի հետ հանդիպման ժամանակ նա Իսպանիան և Կատալոնիան անվանել էր «անհավանական երկրներ»:
