Ռուսաստանը հաստատել է իր աջակցությունը հրադադարին Մերձավոր Արեւելքում
ՌԴ փոխարտգործնախարար Անդրեյ Ռուդենկոն Մոսկվայում Իրանի դեսպան Քազեմ Ջալալիի հետ հանդիպման ժամանակ հայտնել է հրադադարի ռեժիմին աջակցության եւ հակամարտության քաղաքական կարգավորման անհրաժեշտության մասին։ Այս մասին տեղեկացրել են ՌԴ արտաքին քաղաքական գերատեսչությունում։
ԱԳՆ-ում նշել են հրադադարի մասին պայմանավորվածությունները պահպանելու եւ բանակցությունները շարունակելու կարեւորության մասին՝ տարածաշրջանում իրավիճակի երկարատեւ կայունացման եւ էսկալացիայի թուլացման համար։
Իր կողմից՝ Ջալալին շնորհակալություն է հայտնել Ռուսաստանին Իրանին ցուցաբերվող հումանիտար եւ դիվանագիտական աջակցության համար։ Կողմերը քննարկել են նաեւ երկկողմ համագործակցության հարցերը եւ իրավիճակը Մերձավոր Արեւելքում։
ՌԴ ԱԳՆ-ում ավելացրել են, որ հանդիպումը կայացել է իրանական կողմի նախաձեռնությամբ։
