«Սիրելի՛ հայրենակիցներ, սահմանադրական կարգը վերականգնելու հնարավորություն կա». Աննա Մկրտչյան
ԱԺ «Պատիվ ունեմ» խմբակցության պատգամավոր Աննա Մկրտչյանը խորհրդարանում հայտարարությունների ժամին ամբիոնից դիմեց ՀՀ քաղաքացիներին։
Նա նշեց, որ վերջին շրջանում իշխանությունը շատ է ասում, թե աշխարհն առաջվանը չէ, այդպիսով մարդկանց կյանքում տեղ գտած վախը, անկայունությունն ու անորոշությունը փորձելով թաքցնել նման ձևակերպման ներքո։
«Սիրելի հայրենակիցներ, պետք է խնդրեմ չզարմանաք՝ աշխարհը մեծապես շարունակում է նույնը մնալ։ Նույն անդադար պտտվող շահերն են, ուժերը, աշխարհը շարունակում է նույն մնալ, որովհետև նույն ստանդարտ շահերն են։ Մարդու կյանքի և իրավունքների նկատմամբ հարաբերական վերաբերմունքը, պատերազմներն ու պարտություններն ու հաղթանակները»,- նշեց Աննա Մկրտչյանը։
Պատգամավորի խոսքով՝ մեկ բան փոխվել է, բայց ոչ թե աշխարհում, այլ Հայաստանում, ավելի կոնկրետ՝ իշխանությունում։
«Աշխարհը մեծապես նույնն է, սիրելի հայրենակիցներ, ուղղակի ձեր պետությունում իշխանությունը զավթված է օտար հատուկ ծառայությունների և գործակալական ցանցի օգնությամբ։ Աշխարհը շարունակում է նույն կերպ պտտվել, այս 8 տարիների ընթացքում փորձում են անդադար այնպես անել, որ ձեր ու մեր պետության հոգեկերտվածքը փոխվի, տեղի չտաք, սահմանադրական կարգը վերականգնելու հնարավորություն, իհարկե, կա»,- ընդգծեց Աննա Մկրտչյանը։
Մանրամասները՝ 168.am-ի տեսանյութում
